大人细路都咁钟意嘅《反斗奇兵》（Toy Story）动画系列唔经唔觉已经嚟到第四辑！ 《反斗奇兵》（Toy Story4）将于明年6月同大家见面，日前！距离上一集反斗奇兵3已经过去8年，其实第4集原本计画喺今年就同可以大家见面，但因为原导演身陷丑闻而辞职，导致上映计画不断推迟。时至今日，呢部耗时3年制作而成嘅动画终于定档，真係钓足fans瘾呀。
曾经获得2011年奥斯卡金像奖最佳长片动画以及入围奥斯卡最佳影片嘅《反斗奇兵3》（Toy Story 3 ），一度被认为係《反斗奇兵》系列嘅最终章。2014年，PIXAR动画制作室宣布将筹备反斗奇兵嘅第四集时都惹嚟唔少争议。
《反斗奇兵3》 中，17岁嘅安仔（Andy）马上要离开屋企去读大学，而因为误会，成班玩具以为小主人抛弃咗自己，后来误会解除，胡迪（Woody）就同佢班老友冒险返去主人身边。
《反斗奇兵3》（Toy Story3） 除咗必不可少嘅搞笑元素之外，仲非常热血，催泪，想当年无数观众睇完都喊到傻。之后仲横扫各大颁奖礼，可以话係由1995年开始《反斗奇兵》（Toy Story）系列入面最经典嘅一集。所以大家都觉得反斗奇兵呢个系列到此为止就已经好完美喇。
不过原来故事仲係未完！2014年PIXAR同Disney(迪士尼)宣布筹备《反斗奇兵》（Toy Story）新一辑《反斗奇兵4》（Toy Story4）。一直只闻楼梯响， 直到4年后的2018年，日前PIXAR才发布电影嘅第一条先行预告片，片头胡迪同巴斯光年，仲一班老友柴娃娃手拖手，相当开心。
《反斗奇兵4》预告片1
喺众多观众熟悉嘅脸孔之中，仲加入咗一个新成员，据说呢名成员叫Forky，人如其名外表好似係一只叉咁，傻得嚟又带点可爱。
预告片中Forky好唔钟意呢个玩具大家庭，仲狂嗌自己唔係玩具，搞到其他人乱嗮龙。照计Forky係餐具唔係玩具，点解会混咗入玩具度嘅呢？而且佢好似俾人加工过，多咗手手脚脚，详细真係要等电影帮大家解画喇。
《反斗奇兵4》预告片2
其实除了Forky次外，今集还有另外两个新角色！分别是Ducky同Bunny，佢地都係嘉年华的奖品毛毛公仔，在其后的预告片也有曝光。
据说《反斗奇兵4》（Toy Story4）将会俾前三集更加催泪，而胡迪（Woody）嘅配音演员Tom Hanks之前都有透露话帮《反斗奇兵4》（Toy Story4）配音内心并唔好受，配最后一幕嘅时候仲差啲冇办法完成工作。佢话自己配音嘅时候仲一度无法直视其他工作人员，可见剧情真係好虐心呀。
《反斗奇兵3》（Toy Story3）已经够催泪，《反斗奇兵4》（Toy Story4）会更加伤心？而且仲有机会係Sad Ending？呢个消息一出反斗fans更加惊啦，会唔会好似复联咁搞个全员毁灭？睇返预告海报，胡迪手握帽檐，深情回望，表情似乎有啲凝重。好似有告别嘅感觉。
宜家多咗手机iPad，小朋友都已经少咗玩玩具，更何况係大个仔嘅安仔（Andy），唔知胡迪（Woody）佢哋係咪都打算喺《反斗奇兵4》（Toy Story4）同大家讲再见呢？
