呢期身边不少朋友都学汪明荃大玩「汪阿Tag」，用手写hashtag，而转个头，不停与时并进的汪阿姐，已经学识咗玩Ig story同Ig Live。佢係Ig story识得打字，而打得非常公整。寻晚更首次做Ig Live，比大家睇到红馆后台的粒粒巨星，好似有梁家辉、梁朝伟、刘嘉玲、曾志伟等，虽然最后哈碌地唔识闩掣，但总算顺利完成个Ig Live。而汪阿姐的Ig followers更由原本6千几人，极快急升至3万2千几人，认真厉害。
其实玩新科技又唔只係年轻人专利，家中不少老人家为了与时并进，不时都会努力增值自己，如果家中老人家做到以下4点，绝对係精灵的大细路。
What’s app识回覆
相信好多公公婆婆都有What’s app，但係群组入面都係斋睇唔打字，小编的80＋婆婆直头识打字同录音，重识得用What’s app打电话，厉害厉害。
活用IG
好似今年71岁的汪阿姐，掀起「汪阿Tag」热潮，而家又识Ig Live又识Ig Story，除了靠身边年轻人的耐心指教，都要佢自己醒目，一讲就明。
生活多姿多采
所谓与时并进，除了识玩科技，心态都好紧要。佢地唔会一味係屋企等你返去食饭，反而日日约朋友出街，不时去下旅行，生活多姿多采，分分钟忙过所有年轻人。
对现代睇得开
对于后生，佢地不再抱住「结婚就要生仔」的心态，佢地会比足够自由度比年轻人，尤如朋友多过长辈。
相片来源：wang_liza @ig
